2009.maiatza.28

Ingelesezko tituludunen geroa, aztergai

Mondragón Linguak hitzaldia eman zuen, aurrez-aurrekoa eta online

Mondragón Linguak ingelesean trebatua egoteak gizartean aurrera egiteko orduan dakartzan abantailak aztertu zituen, maiatzaren 27an Arrasaten duen egoitza nagusian. Hitzaldiaren izenburua "Ingelesezko titulazioaren eragina unibertsitatean eta gure gazteen etorkizun profesionala" izan zen eta bertan izan zen beste moduko berritasunik. Esaterako, aipatu hitzaldia webgunearen bitartez ikusi ahal izan zen zuzen-zuzenean.

Euskadin hizkuntz-zerbitzuak ematen nagusi den erakunde honen asmoa da aurrerantzean modu honetako tresnak baliatzen joatea, bere webgunean aplikazio zein zerbitzuak indartzen ari diren seinale. Mondragón Linguako ikasleek zein hizkuntzen ikaskuntzan interesa duen edonork bertan du, beraz, saltsan aritzeko aukera ederra.

Horrez gain, teknologia berrien aldeko apustuak beste abantaila batzuk ditu. Esaterako, hainbat arrazoi medio, Arrasaten egin zen hitzaldira bertaratu ezin izan zuenak, ekitaldia online ikusi ahal izan zuen, baina horrez gain galderak ere egin ahal izan zituen, chat zerbitzuari esker.